“Shqipëria bëhet tym, tifozët prishin festën”, kështu e komenton gazeta “Panorama Sport, incidentin e mbrëmshëm në Palermo ku tifozët shqiptarë (Illyrian Elite apo Plisat?) hodhën flakadanë dhe tymuese në fushë duke sjellë ndërprerjen e takimit Shqipëri-Itali.
Sipas mediave italiane, një roje private – steward – u plagos lehtë në kokë nga një tymuese.
Megjithatë, më të ashpër se shtypi italian ishin sot gazetat shqiptare. Dy të përditshmet kryesore të sportit “Panorama Sport” dhe “Sport Ekspres” e dënuan në faqen e parë sjelljen e kuqezinjve në tribuna.
Për hir të së vërtetës, ndërprerja e ndeshjes ishte e pashpjegueshme për shkak se luhej ndaj Italisë, një vend mik dhe dashamirës ndaj shqiptarëve. Eshtë e mundur që protesta të ketë qenë ndaj FSHF-së dhe Armando Dukës. Megjithatë, ndoshta duhej gjetur moment dhe formë tjetër.
“Turp për disa tifozë shqiptarë”, hapet e përditshmja “Koha Jonë”.
Në fakt, për shkak të një pjese të tifozëve, mijëra shqiptarë ose miliona në TV u detyruan të dëgjonin thirrjet e palermitanëve: “Chi non salta, albanese e’” – “Kush s’kërcen është shqiptar!”
GSH.al
